Su prozètu Scekinà naskit in s’ ‘Ennarzu de s’annu 2000. S' issèberu de su nùmene keret evocare s’essentzia, s’anima de su Reggae etotu, est a narrer Deus; difatis sa peràula Scekinà in aramaicu tenet su sentidu de "presentzia bìa de Deus in mesu a nois"

Sa difundidura menguante de su Reggae in Sardinnya cumplicat sa kirca de musicos amantiòsos de su zenere, Bainzu -fundadore de su prozètu e cumponnidore de sas cantones- resessit comente si siat a ponner sa formadura orizinale rea, ki mancari a su printzìpiu, est capàtza de criare atmosfèras caentes e ricas de positividades. Sa truma comintzat a nde afortigare semper piùs un'identidade sonòra sua mesçende andantas classicas roots, melodìas mediterràneas e s’orizinalidade de sa limba sarda in sas isterridas bocales. Sas influentzias printzipales benint dae sos rapresentantes mazores de su Roots: Bob Marley, Misty in Roots, Steel Pulse, Alpha Blondy, Israel Vibrations etz.

Dae s’annu 2000 a oe sa truma at mudadu ‘ortas meda formadura fintzas a jomper a sa de oe in dìe cun

Gavino "Bainzu" Solinas boghe e drums sampling;

Fabio Parodi tastera;

Gavino Riva basçu;

Francesco Simula kiterras;

Alfredo Scintu baterìa.

Elisabetta Usai boghes.

Sa truma afrontat su primu sero on stage, cun 18 cantones propias e unos deghe de covers. Su fines primarzu sou est su de nke difunder su messàzu positivu de sa musica issoro ultres sa minore, ma forte, grefa de amigos e connoskentes. Su messazu ki abambagat donzi nota cumintzat su caminu dae sas raighinas de s’omine, aprodende daboi a s’anima sua pro mediu de s’ispiritualidàde càbida in sa musica.